Ritstjórn

Samkvæmt venju þá er komið að vikulegu viðtali hér á Lappari.com í viðtalsseríu sem kallast einfaldlega Föstudagsviðtalið en þetta er viðtal númer 130 í röðinni. Hugmyndin er að taka viðtal við “venjulegt fólk”, harða nörda sem og einstaklinga sem eru áberandi í tölvu og tækniheiminum, leyfa þeim að segja aðeins frá sér og hvað þeir eru að bralla. Tilgangurinn er fyrst og fremst sá að hafa þetta létt, skemmtilegt og vonandi áhugavert fyrir lesendur.

 

Hver ert þú og hvaðan ertu?

Ég heiti fullu nafni Þórður Guðmundur Hermannsson. Sem transvestite og cyber-front kýs ég að kalla mig Donna. Ég er frá reykjavík, fædd og uppalin. Borgarbarn og á núna heima í hlíðunum.

 

Við hvað starfar þú og hvað hefur þú verið að bralla síðustu árin?

Í dagvinnu hef ég mest verið að fást við forritun. Ég fór í tölvunarfræði í 2 ár og lærði helling en þegar ég er að læra eitthvað þá vill ég geta gert mikið af því þannig að ég fór mjög fljótlega að vinna.
Í dag vinn ég hjá Tempo, hugbúnaðarfyrirtæki sem að sérhæfir sig í tímaskráningalausnum fyrir agile/scrum kerfi.

 

Hvert er draumastarfið?

Sko ég er í draumastarfinu mínu í dag. Ég gæti ekki elskað vinnuna mína meira.

Draumastarfið mitt er bara að vera að vinna að skemmtilegum og spennandi verkefnum með góðu fólki og hafa frelsi til þess að taka ákvarðanir um hvaða verkfæri eru notuð. Það er gefið pláss til rannsóknarvinnu og gefið mikið pláss til skyndilegra breytinga. Ég er bara í draumastarfinu mínu 🙂

 

Hvernig er venjulegur dagur hjá þér?

Ég vakna oftast um 8-9 leytið. Suma daga er Karitas Lóa dóttir mín hjá mér, þá fylgi ég henni á leikskólann og fer svo í vinnuna. Þar kóða ég bara hart allan daginn, fer á fundi og hleyp í hádeginu tvisvar í viku.

Ef ég er með Karitas Lóu dóttur mína þá förum við oft í sund eða í bæinn. Ef ég er ein heima þá fer ég oft að gera tónlist. Það er alveg uppáhalds. Mögulega fer ég að kóða meira.

Stundum fer ég á tónleika eða listasýningar hjá vinum. Ef ég er í stuði þá pússa ég neglurnar á mér og set eitthvað nice naglalakk. Ef ég er í extra stuði fer ég í fótabað og mála mig.

 

Hvað er um að vera hjá þér þessa dagana?

Ég er að vinna í electro-pop tónlist núna sem að ég er spennt að gefa út.

Ég ætla að frumflytja eitt lag á Drag-Súg 22.apríl. Þetta er svona hrátt commercial gellu verkamannapopp eitthvað en ég tek mikið af áhrifum mínum úr japönsku tónlistarsenunni.

 

Býr tæknipúki í þér?

Já alveg huges. Ég vill reyndar meina að ég sé mjög nægjusöm þegar kemur að græjum. Ég finn ekki óstjórnlega hvöt til þess að fara í elko og kaupa mér sveigðasta flatskjáinn, en spái mikið í græjum og finnst líka gaman að geta sett saman, t.d arduino kit eða setja saman effektapedala. Ef að ég er með allt sem ég þarf þá er ég ekki að stressa mig, en það er auðvitað alltaf pláss til að læra eitthvað nýtt.

 

Hvaða íslenska app fyrir snjallsíma notarður mest / hatarðu mest

Held að ég noti mest strætó appið af því að ég nota svolítið strætó. Mér finnst það bara fínt þetta app er allaveganna betra en sjálf þjónustan.

Mér finnst pínu skrítið í Arion banka appinu að ég geti ekki lagt inná kreditkort í gegnum appið, þ.e. mín eigin. Ég þarf alltaf að fara á vefinn til þess, pínu bögg.

 

Hvaða tækninýjungum fylgist þú með?

Fylgist með forritun mikið. Þá sérstaklega fallaforritun sem mér finnst aðferðir og notkun þess mjög spennandi.

Fylgist með bloggum og fréttasíðum um tækninýjungar og forritunartengd efni (ycombinator, reddit). Sæki fyrirlestra um tæknimál og ráðstefnur. Bíð bara eftir því að við getum farið að prenta byssur hérna.

 

Lífsmottó?

Þú veist þú getur það, gerðu það bara

 

Sturlið staðreynd um þig sem fáir vita?

Ég elska sportbíla

 

Hvaða forsetaefni ætlar þú að kjósa?

Ég held ég kjósi eitthvað eins og Andra Snæ. Finnst hann flottur náungi með stóriðjuna á hreinu.

Það þarf bara verulegar stefnubreytingar hérna. Hætta öllum klíkuskap. Þetta er ekki hollt fyrir lýðræði heillar þjóðar að hagsmunir einhverra örfá vega meira en hagsmunir almennings.

 

Hvað mundir þú gera við 500 milljóna Lottóvinning?

Það verður að fara varlega með peninga, þeir skemma fólk. Hafandi sagt það þá myndi ég samt pottþétt byrja á því að kaupa mér hús fullt af fötum. Fataskápar útum allt, ekkert eldhús.

En svo held ég að ég myndi bara reyna að nota þennan pening skynsamlega. Ég myndi eflaust nota hann til þess að fjármagna eitthvað af mínum eigin verkefnum sem að gætu vonandi skilað einhverju til baka í samfélagið.

 

Top 5 tónlistarmenn sem kenna sig við þinn heimabæ?

1. Hildur
2. Ásta Fanney
3. Gunnar Jónsson Collider
4. Futuregrapher
5. Nicolas Kunysz

 

Hvaða stýrikerfi notar þú á tölvunni þinni?

Er nýbúin að skipta yfir í Mac OSX EL CAPITAN á undan því var ég með arch linux sem mér fannst mjög skemmtilegt og kenndi mér helling.

En vinnan sem ég er að vinna núna krefst þess að ég geti skrifað fyrir bæði iOS og Android.

 

Hvernig síma ertu með í dag?

Samsung Galaxy S5

 

Hverjir eru helstu kostir og gallar við símann?

Batteríið klárast svakalega hratt. Það eru til tune við því en maður nennir ekki alltaf að vera að standa í því.
Góða við hann er að hann er tiltölulega hraður og hefur reynst vel, hef átt hann í sirka ár núna.

 

Í hvað notar þú símann mest?

• Twitter
• Pinterest
• Instagram
• Gmail
• Facebook

 

Hvernig var fyrsti síminn sem þú fékkst þér?

Það var eitthvað algjört Ericsson drasl. Man samt mér fannst það rosa fínt þá gat ég hringt í stelpuna sem ég var skotin í á þeim tíma.

 

Hvernig er draumasími framtíðarinnar?

Er það ekki bara einhver alveg handsoff sími sem þú þarft ekki einu sinni að bera á þér? Eða sími sem að skiptir dýnamískt um form.

 

Hvaða tæknisíðum ef einhverjum fylgist þú reglulega með?

Ycombinator.com  //  Techcrunch.com

 

Eitthvað sem þú vilt segja að lokum?

Takk kærlega fyrir viðtalið. Áfram nýjungar, tækniframfarir og áfram frelsi einstaklingsins til þess að vera það sem hann vill.

 

Samkvæmt venju þá er komið að vikulegu viðtali hér á Lappari.com í viðtalsseríu sem kallast einfaldlega Föstudagsviðtalið en þetta er viðtal númer 112 í röðinni. Hugmyndin er að taka viðtal við “venjulegt fólk”, harða nörda sem og einstaklinga sem eru áberandi í tölvu og tækniheiminum, leyfa þeim að segja aðeins frá sér og hvað þeir eru að bralla. Tilgangurinn er fyrst og fremst sá að hafa þetta létt, skemmtilegt og vonandi áhugavert fyrir lesendur..

 

Hver ert þú og hvaðan ertu?

Ég heiti Vilhelm Anton Jónsson og vinn við að skapa og framkvæma allskonar. Ég er fæddur í Reykjavík en bjó fyrstu árin í Hafnarfirði. Svo fluttum við að Laugum í Reykjardal, síðan til Glasgow í Skotlandi, svo Akureyrar og svo til Reykjavíkur. Erfitt að segja beint hvaðan ég er, mamma er ættuð frá Dalvík og Svarfaðardal og pabbi úr Borgarnesi og Borgarfirði.
Þannig að þessum spurningum er ekkert auðsvarað.

 

Við hvað starfar þú og hvað hefur þú verið að bralla síðustu árin?

Ég vinn hjá sjálfum mér við að skrifa bækur, gera tónlist, leika, dagskrárgerð, halda fyrirlestra og fá góðar hugmyndir fyrir mig eða aðra. Ég hef líka mikið málið og teiknað og haldið nokkrar málverkasýningar.
Ég hef likið sjálfan mig í fjórum frábærum kvikmyndum um ævintýri Sveppa, Góa og mín. Eins höfum við gert um 250 þætti held ég sem voru í sýningu á stöð 2.

Ég hef gert margt síðustu árin og mismunandi. Ég vann á auglýsingastofu í nokkur ár sem hugmyndasmiður og svo hef ég mikið verið í dagskrárgerð fyrir sjónvarp og útvarp. Ég hef mikið unnið í því að fræða börn og gera þau forvitin um heim vísindanna og opna á þann ótrúlega merkilega heim.
Ég hef skrifað þrjár bækur um það efni sem heita Vísindabækur Villa. Þeim hefur öllum verið tekið frábærlega og ég er mjög þakklátur fyrir það og ánægður að fræðiriti fyrir börn sé vinsælt lesefni.

Ég stýri líka þætti sem er á dagskrá Rásar 2 yfir sumarið sem heitir Nei hættu nú alveg – og er spurningaleikur um gagnslausa hluti.

 

Hvert er draumastarfið?

Það breytist reglulega hvað mig langar að gera.

Veit ekki alveg hvert draumastarfið er en útkoman úr því er einhver sköpun, eitthavð nýtt, gleði fyrir þá sem nota útkomuna eða góð upplifun og þetta starf þarf að fela í sér að ég vinni með skemmtilegu fólki þar sem sumir eru skapandi og aðrir duglegir og framkvæmdarglaðir. Og ég þarf að fá að ráða talsvert miklu um það allt saman sem er gert. Launin þurfa að vera góð. Ég er að leita að þessu starfi og gæti verið einfaldara að búa það til sjálfur en finna það hjá öðrum.

 

Hvernig er venjulegur dagur hjá þér?

Ég byrja alltaf á að fara í sturtu og raka mig. Svo koma um 365 mismunandi útfærslru af venjulegum degi á ári. EN þó ég vinni margar vinnur og hjá sjálfum mér er ég rútinukarl. Ég reyni að fá mér kaffi mjög fljótlega !!! Svo er þetta oftast einvherjir fundir og svo framkvæmdartímabila. Það er í raun hægt að skipta svona skapandi vinnu í þessi tvö hólf. UNdirbúningur og framkvæmd. Þegar maður vinnur fyrir sjálfan sig er ábyrgðin hjá manni sjálfum. Fundir og hugmyndavinna eiga að taka svona um 80% af tímana og framkvæmd um 20% – þetta er ekkert vísindalega tala en góður undirbúningur einfaldar allt. Ef hlutföllin eru öfug er verið að eyða alltof miklum tíma í framkvæmdina og endalaust verið að leiðrétta einhverja stefnu og sóa mikilli orku í það.

EN það er mjög erfitt að segja hvernig venjulegur dagur er.

 

Hvað er um að vera hjá þér þessa dagana?

Akkúrat núna er ég að hugsa. Láta mér detta í hug hvap geti gert næst og hvað sé sniðugt og gaman að gera. Janúar er oft þannig. Desember fór allveg í það að kynna nýju Vísindabókina og mikið um að vera í kringum það. Núna er ég meira að finna réttu verkefnin til að koma að eða taka þátt í. Ég finn að ég er farinna ð sveiflast mjög mikið að málverkinu og tónlistinni aftur. Það hefur pínu setið á hakanaum. Ég er líka byrjaður að vinna að nýrri bók eða bókum sem við verðum svo að sjá hvar enda.
Þetta er rosalega svipað því og að vera bóndi eða vera í landbúnaði. Maður þarf að hugsa um margt og sá og rækta og finna lausnir og svo kemur uppskeru tími sem kallar á að maður vaki allan sólarhringinn, eins og sauðburði og heyskap. Og allan tímann er maður að reyna að einfalda hluti. Gera línur skírari.

 

Eitthvað slúður úr bransanum sem við þurfum að vita?

Já þetta rugl með að platan væri dauð er víst kjaftæði sem stórar tónlistarveitur komu af stað og við tónlistarmenn vorum svo vitlausir að taka undir. Okkur gæti reyndar tekist að drepa hana með þessu viðhorfi.

 

Lífsmottó?

Nei í raun ekki.

 

Sturlið staðreynd um þig sem fáir vita?

Ég var í unglingalandsliðinu í handbolta þegar ég hætti að æfa. Og hef gefið kost á mér fyrir hvert einasta stórmót síðan ég hætti í handbolta. Kári bróðir úr naglbítunum líka. Við erum báðir línumenn og myndu gera geggjaða 4-2 sókn fyrir Ísland. Fyrir utan að geta stýrt vörninni eins og herforingjar. En einhvernveginn er alltaf litið framhjá tónlistarmönnum þegar er valið í landsliðið.

 

Hvað mundir þú gera við 500 milljóna Lottóvinning?

Kaupa mér flöskugrænan MG sportbíl frá 1969, með vínrauðu leðri og tréstýri. Svo kastala í Skotlandi með veiðilendum og jafnvel Zeppelin loftskip.

 

Top 5 tónlistarmenn sem kenna sig við þinn heimabæ?

Ingimar Eydal, Baraflokkurinn, Skriðjöklar, Skytturnar, Norðan piltar og svo við

 

Hver er besti tónlistarmaður landsins fyrir utan Stebba Him?

Magnús Þór Sigmundsson – aldrei spurning.

 

Hvaða stýrikerfi notar þú á tölvunni þinni?

Ég er Apple maður

 

Hvernig síma ertu með í dag?

iPhone

 

Hverjir eru helstu kostir og gallar við símann?

Kostirnir eru hvað síminn er orðinni lítill hluti af þessu tæki. Gallarnari eru að hann getur ekki síað leiðinleg símtöl frá skemmtilegum áður en ég svara.

 

Í hvað notar þú símann mest?

Netið

 

Hvernig var fyrsti síminn sem þú fékkst þér?

Nokia með loftneti og brottnum skjá.

 

Hvernig er draumasími framtíðarinnar?

Hann er þannig að fólk svarar ekki í hann þegar það situr við borð með öðrum heldur stendur upp og fer afsíðis. Hann er líka þeirru náttúr gæddur að fólk talar lágt í hann þegar það er innanum um aðra t.d. á kaffihúsum. Helst stendur það upp og talar í hann afsíðis. Hringir eru alltaf lágværar og smekkilegar. Hann getur líka syncað sig við alla hluti án þess að það sé vesen. Það er óþaldi að standa í þannig hlutum árið 2016. Hann verður líka búinn til úr efni sem er ekki eitrað fyrir umhverfið, takamörkuðum málmi eða með þrælavinnu.

 

Hvaða tæknisíðum ef einhverjum fylgist þú reglulega með?

Get ekki nefnt neina eina í raun. Ég fer bara inná það sem ég sé að vinir mínir skoða á facebook. Ég er í raun hrifnari af hugmyndafræðinni á bakvið tækni en hlutunum sjálfum. Ég hef mjög mikinn áhuga á lausnum og hversvegna ákveðnir hlutir eru gerðir og ganga vel en akkúrat hvað þeir eru. Mér finnst hugmyndin á bakvið græjur oft flottari en græjurnar sjálfar.

 

Eitthvað sem þú vilt segja að lokum?

Bara gleðilegt ár og þetta varholl sjálfskoðun.
Takk fyrir mig.

 

Samkvæmt venju þá er komið að vikulegu viðtali hér á Lappari.com í viðtalsseríu sem kallast einfaldlega Föstudagsviðtalið en þetta er viðtal númer 111 í röðinni. Hugmyndin er að taka viðtal við “venjulegt fólk”, harða nörda sem og einstaklinga sem eru áberandi í tölvu og tækniheiminum, leyfa þeim að segja aðeins frá sér og hvað þeir eru að bralla. Tilgangurinn er fyrst og fremst sá að hafa þetta létt, skemmtilegt og vonandi áhugavert fyrir lesendur..

 

Hver ert þú og hvaðan ertu?

Fæddur í Hafnarfirði, alin upp í Reykjavík í Laugarneshverfinu. Gekk í Laugarnesskóla og síðan í Laugarlækjarskóla. Eftir grunnskólann var stefnan sett á Rafeindavirkjun í Iðnskólann í Reykjavík (alltaf haft mikinn áhuga á allskonar tækjum). Eftir rafeindavirkjunina var tekinn ákvörðun um að fara í Tækniskóla íslands til að klárað stúdentsprófið, markmiði var set á tæknifræði. Ég fór því eftir stúdentsprófið til Danmerkur og lærði þar rafmagnstæknifræði. Ég þriggja barna faðir, tækjanörd og fiktari.

 

Við hvað starfar þú og hvað hefur þú verið að bralla síðustu árin?

Ég starfa hjá Nýherja hf. á Akureyri sem söluráðgjafi, sé um sölu á þeirri þjónustu og búnaði sem Nýherji er að selja. Hef áður unnið hjá Verkís verkfræðistofu og hjá Triax A/S í Danmörk.

 

Hvernig er venjulegur dagur hjá þér?

Ég vakna venjulega milli 7 og 7:30 eftir því hvort ég er með börnin eða ekki. Fer í vinnuna og eftir vinnu er það oftast ræktin. Eftir ræktina er farið heim að sinna fjölskyldu og áhugamálum sem eru nokkur.

 

Hvað er um að vera hjá þér þessa dagana?

Það er alltaf eitthvað nýtt og spennandi að gerast hjá Nýherja en ef allt gengur upp þá stefni ég á nám með vinnu næsta haust.

 

Hvernig nýtast tölvur/Tækni í þínu starfi?

Er að nota tölvu í vinnunni allan daginn, því miður getur maður næstum ekki verðið án hennar.

 

Hvaða tæki/tækni heillar þig mest þessa dagana?

Það er margt spennandi að gerast þessa daganna. 4K upplausn í sjónvörpum og upptökutækjum og nýr Skylake örgjörvi frá Intel er það fyrsta. Það eru líka að koma nýjar vélar frá Lenovo sem lofa mjög góðu. NFC tæknin að koma í fleiri og fleiri tæki þannig að það auðveldara að tengjast þeim og Internet of thinks er ennþá að vaxa og á eftir margfaldast á komandi árum.

 

Hvaða nýjungum í IT eiga lesendur að fylgjast með á nýju ári?

Internet of thinks, það er annars svo margt nýtt og spennandi að gerast

 

Lífsmottó?

Tökum okkur ekki of hátíðleg og veru jákváð.

 

Sturlið staðreynd um þig sem fáir vita?

Lenti í bílveltu eftir að svínað var fyrir mig á hraðbraut í Danmörku, slapp ómeiddur ásamt öllum farþegum bílsins.

 

Top íslenskir tónlistarmenn?

Það eru ótrúlega margir góðir íslenskir tónlistarmenn í dag en það sem ég hef þó mest verið að hlusta á eru Jónas Sigurðsson, Baggalútur, Hjálmar, Björk, Jóhann Jóhannsson, Samaris, (John Grant), Mannakorn, Of monsters and men, Ásgeir Trausti, Mugison, Vök og Hjaltalín

 

Hvaða stýrikerfi notar þú á tölvunni þinni?

Windows 10 pro

 

Hvaða tölvu ertu að nota mest þessa dagana?

Heimatölvan er Lenovo Thinkpad T430 og í vinnunni þá er ég að nota Lenovo Thinkpad T450s

 

Hvernig síma ertu með í dag?

Ég er með Moto X Play

 

Hverjir eru helstu kostir og gallar við símann?

Ég gæti örugglega fengið bæði betri og verri síma en þessi getur gert allt það sem ég þarf að gera dag.

 

Í hvað notar þú símann mest?

1. Símtöl
2. Textaskilaboð
3. Netið
4. Outlook (tölvupóstur)
5. Tölvuleikir

 

Hvernig var fyrsti síminn sem þú fékkst þér?

Ericsson GA 629

 

Ef þú mættir velja hvaða síma sem er, hvaða síma mundir þú velja?

Moto X Play hentar mér mjög vel í dag. Sími sem gæti leyst tölvuna af hendi og gæti tengst við allt

 

Hvaða tæknisíðum ef einhverjum fylgist þú reglulega með?

Lappari.com, CNET, BBC, Netverslun.is, Lenovo.com, Sony.co.uk og Canon.co.uk, mobileeurope.co.uk, IEEE, PCMag.com, PCWorld.com, ZDNET.com, engadget.com, trustedreviews.com, Business Insider og margar fleiri síður.

 

Eitthvað sem þú vilt segja að lokum?

Fólk á að vera óhrætt við tæknina. Tæknin er til að hjálpa okkur.

 

Samkvæmt venju þá er komið að vikulegu viðtali hér á Lappari.com í viðtalsseríu sem kallast einfaldlega Föstudagsviðtalið en þetta er viðtal númer 109 í röðinni. Hugmyndin er að taka viðtal við “venjulegt fólk”, harða nörda sem og einstaklinga sem eru áberandi í tölvu og tækniheiminum, leyfa þeim að segja aðeins frá sér og hvað þeir eru að bralla. Tilgangurinn er fyrst og fremst sá að hafa þetta létt, skemmtilegt og vonandi áhugavert fyrir lesendur..

 

Hver ert þú og hvaðan ertu?

María Hjarðar heiti ég og hef alla mína tíð búið á Fljótsdalshéraði.

 

Við hvað starfar þú og hvað hefur þú verið að bralla síðustu árin?

Ég er menntaskólanemi og á að útskrifast með stúdentspróf í vor. Með skólanum starfa ég með fötluðum og er sjálftitlaður aktívisti.

 

Hvert er draumastarfið?

Fréttaþulur og/eða þingmaður. Er samt ekki flokksbundin eins og er. Þarf að troða mér inn einhversstaðar.

 

Hvernig er venjulegur dagur hjá þér?

Dagurinn minn er yfirleitt vel stappaður. Auk þess að vera í fullu námi er ég einnig formaður Málfundafélags skólans míns og sit þar með í stjórn nemendafélagsins og sé um Gettu Betur og MORFÍs, er formaður femínistafélagsins, ræðumaður í ræðuliði skólans og krefst þetta allt mikillar athygli. Ef ég er ekki að læra er ég yfirleitt á fundum eða að taka aukavaktir í vinnunni. Milli þess er ég mjög virk á samfélagsmiðlum.

 

Hvað er um að vera hjá þér þessa dagana?

Ég er mikið að aktívistast og reyna að vera dugleg í skólanum vegna útskriftarplana minna og sinna félagsstörfum eins og ég get. Er svona að vinna í því að finna út hver ég er og hver markmið mín eru til styttri og lengri tíma.

 

Skilaboð frá þér til okkar?

Þið eruð snillingar.

 

Lífsmottó?

Dagurinn í dag er frábær dagur til að læra að elska sjálfan sig.

 

Sturlið staðreynd um þig sem fáir vita?

Ég spilaði Counter Strike grimmt í gamla daga. Gaman að því

 

Hvað mundir þú gera við 500 milljóna Lottóvinning?

Mennta mig. Og styrkja Stígamót, kynferðisbrotadeild Lögreglunnar og Mæðrastyrksnefnd. Og UN Women.

 

Hver er besti tónlistarmaður landsins?

Vaginaboys, Shades of Reykjavík og Reykjavíkurdætur eru í miklu uppáhaldi upp á síðkastið.

 

Hvaða stýrikerfi notar þú á tölvunni þinni?

Windows 8. Treysti ekki 10

 

Hvernig síma ertu með í dag?

iPhone 5S

 

Hverjir eru helstu kostir og gallar við símann?

Hann er rosalega fallegur. En hann er farinn að verða gamall greyjið þannig að hann á það til að fylla sig af einhverju drasli og er orðinn ansi hægur. Hann hefur farið með mér í mörg ævintýri. Þarf að fara að leyfa honum að hvíla sig.

 

Í hvað notar þú símann mest?

1. Twitter
2. Snapchat
3. Facebook messenger
4. Tölvupóstinn
5. Reddit

 

Hvernig var fyrsti síminn sem þú fékkst þér?

Eldrauður Nokia 3310. Mamma gaf mér hann þegar hún keypti sér nýjan. Hann var draumur.

 

Hvernig er draumasími framtíðarinnar?

Er með endalaust batterí og skrifar fyndin Tweet fyrir mig – helst orðagrín

 

Eitthvað sem þú vilt segja að lokum?

Aldrei gefast upp á sjálfum þér eða því sem þú stendur fyrir. Maður þarf aldrei viðurkenningu frá neinum ef maður er viðurkenndur af sjálfum sér. Og hættið að hata jólin, þau eru gullfalleg hátíð fjölskyldunnar og ljóss og öfganeysluhyggju

 

Samkvæmt venju þá er komið að vikulegu viðtali hér á Lappari.com í viðtalsseríu sem kallast einfaldlega Föstudagsviðtalið en þetta er viðtal númer 106 í röðinni. Hugmyndin er að taka viðtal við “venjulegt fólk”, harða nörda sem og einstaklinga sem eru áberandi í tölvu og tækniheiminum, leyfa þeim að segja aðeins frá sér og hvað þeir eru að bralla. Tilgangurinn er fyrst og fremst sá að hafa þetta létt, skemmtilegt og vonandi áhugavert fyrir lesendur.

 

 

Hver ert þú og hvaðan ertu?

Davíð Pálsson, 52 ára og er Rangæingur að uppruna.

 

Við hvað starfar þú og hvað hefur þú verið að bralla síðustu árin?

Síðustu 6 ár hef ég verið tæknimaður hjá Íslenskri Getspá, Áður hef ég unnið hjá KPMG, VISA og Veðurstofunni.

 

Hvert er draumastarfið?

Hef alltaf liðið vel þar sem ég get gert gagn. Það vill svo til að konan mín er í besta starfi heimsins og að fá að vera nærri henni veldur því að bjarmi er yfir mér! Kona mín er í afleysingu sem sviðsstjóri sviðs Náttúru hjá Umhverfisstofnun. Miklvægara og meira gefandi starf er örugglega ekki til.

 

Hvernig er venjulegur dagur hjá þér?

Starf tæknimanns hjá Íslenskri Getspá er að annast alla sölukassana um allt land en þeir eru vel á þriðja hundraðið. Einnig staðarnet Getspár. Getspá er með Lottóið, Víkingalottó, Eurojackpot, Lengjuna og 1X2. Vinnan felst einkum í að þjónusta söluaðliana. Einnig að vinna við Lottóútdrátt á laugardögum.

 

Hvað er um að vera hjá þér þessa dagana?

Við erum að breyta tengingum sölukassa við net Getspár þessa daga. Höfum verið á lokuðu ADSL+ sambandi en erum að færa sambandið yfir á Meraki búnað. Samband með Meraki er ódýrara en með ADSL+ og gefur möguleika á enn betra utanumhaldi.

 

Hvernig nýtast tölvur/Tækni í þínu starfi?

Tölvukerfi heldur utan um sölukerfi Íslenskrar Getspár. Mikil áhersla er á að uppfylla ströngustu öryggisstaðla.

 

Lífsmottó?

“Eitt skal yfir alla ganga”.

 

Sturluð staðreynd um þig sem fáir/enginn veit?

Hef gefið út ljóðabók. Það er gaman að setja saman ljóð en mér finnst lítið gaman að lesa ljóð annarra – nema snillinga eins og Jónasar Hallgrímssonar og Davíðs Stefánssonar.

 

Hvað mundir þú gera við 500 milljóna Lottóvinning?

Góð spurning en ég vinn í Lottóinu alla daga!

 

Top 5 tónlistarmenn sem kenna sig við þinn heimabæ?

Hmm… Ég bý í Kópavogi. Örugglega margir tónlistarmenn sem búa þar, enda er gott að búa í Kópavogi.

 

Hver er besti tónlistarmaður landsins?

Páll Óskar er bara langbestur. Aðrir góðir eru t.d. Bubbi Morthens og Svavar Knútur

 

Hvaða stýrikerfi notar þú á tölvunni þinni?

Windows 10. Bæði heima og í vinnu.

 

Hvernig síma ertu með í dag?

Nokia Lumia 1020.

 

Hverjir eru helstu kostir og gallar við símann?

Þessi sími er að verða þriggja ára og hefur einfaldlega verið besti sími heims. Börnin mín gagnrýna þó símann þar sem hann getur ekki verið með Snapchat. Hinsvegar er hann með betri myndavél en nokkur annar sími eða 41 megapixel! Myndirnar eru æðislegar!

 

Í hvað notar þú símann mest?

1. Símtöl
2. Tölvupóst
3. Office
4. Twitter
5. Facebook
6. Instagram (6tag)
7. Ljósmyndun
8. Landakort.

 

Hvernig var fyrsti síminn sem þú fékkst þér?

Fyrsti farsíminn sem ég man eftir var Motorola sími. Gerði sitt gagn í þá daga.

 

Hvernig er draumasími framtíðarinnar?

Ég ætla örugglega að fá mér Lumia 950 símann sem er að koma út hjá Microsoft. Það sem ég hef lesið um hann lofar virkilega góðu.

 

Hvaða tæknisíðum ef einhverjum fylgist þú reglulega með?

theverge.com, thurrott.com, zdnet.com, wpcentral.com, wmpoweruser.com, já og lappari.com auðvitað!

 

Eitthvað sem þú vilt segja að lokum?

Verum góð hvert við annað!.

 

Samkvæmt venju þá er komið að vikulegu viðtali hér á Lappari.com í viðtalsseríu sem kallast einfaldlega Föstudagsviðtalið en þetta er viðtal númer 104 í röðinni. Hugmyndin er að taka viðtal við “venjulegt fólk”, harða nörda sem og einstaklinga sem eru áberandi í tölvu og tækniheiminum, leyfa þeim að segja aðeins frá sér og hvað þeir eru að bralla. Tilgangurinn er fyrst og fremst sá að hafa þetta létt, skemmtilegt og vonandi áhugavert fyrir lesendur..

 

 

Hver ert þú og hvaðan ertu?

Ég er hálfur Hellubúi og hálfur Selfyssingur sem hefur villst í Vesturbæ Reykjavíkur eftir allskonar krókaleiðum. Bjó um tíma í New York með betri helmingnum, en eftir að við fluttum heim urðum við ábyrgir þjóðfélagsþegnar og eignuðumst nógu mörg börn til að koma a.m.k. ekki út í mínus að okkur gengnum.

Hef spilað á bassa í allskonar hljómsveitum í gegnum tíðina – m.a. í One hit wonderinu Soma

 

Spila núna með bandi sem kallast Slow Mountains, sem er svolítið komið á saumaklúbbsstigið, miðaldra karlmenn að finna leið til að hittast án þess að þurfa að tala of mikið saman.

 

Við hvað starfar þú og hvað hefur þú verið að bralla síðustu árin?

Er núna ritstjóri vefs Vodafone og altmulig textamaður hér innandyra. Kom úr almannatengslum frá AP almannatengslum, en þar áður var ég ritstjóri tímaritsins Tölvuheims um fjögurra ára skeið. Þar tókst mér m.a. að vera fyrstur Íslendinga til að flytja fréttir af því árið 2005 að CCP væri að íhuga að flytja úr landi! Sem betur fer hefur ekki orðið af því ennþá.

 

Hvert er draumastarfið?

Bassaleikari í einhverju ofursvölu indíbandi sem túrar reglulega um heiminn, en tsjillar þess á milli í stúdíói. Helst Deerhoof.

 

Hvað er um að vera hjá þér og Vodafone þessa dagana?

Nú síðast vorum við að kynna nýtt og endurbætt sjónvarp ásamt nýjum þjónustuleiðum í Vodafone PLAY. Þar áður var það 500 Mb/s ljósleiðaratenging. Í sumar skiptum við svo út vefnum okkar frá grunni sem var ansi stórt verkefni og mikilvægt #útafsotlu. Það eru annars endalausar nýjungar í þessum fjarskiptabransa, það er ærið – og skemmtilegt – verkefni að fylgjast með.

 

Sturluð staðreynd um þig sem fáir/enginn veit?

Kannski ekki rosalega sturluð staðreynd, en þó eitthvað sem einungis konan mín veit af (og er ábyggilega búin að gleyma) – ég var maðurinn á bak við vefsíðuna Karlar sem mata konur. Þetta varð hressilega viral í einhverja eina, tvær vikur og var ansi gaman að fylgjast með heimsóknartölunum á þeim tíma. Ég hef haldið þessu leyndu alla tíð og því er hér komið megaskúbb fyrir Lapparann!

Ég gerði þetta í einhverju bríaríi þegar listinn hennar Hildar Lillendahl var í miklu hámæli – fannst bara fyndið að þetta hljómaði líkt og ákvað að leika mér eitthvað með það. Sem betur fer tók enginn þessu sem einhverju pólitísku statementi gegn Karlar sem hata konur, enda var það alls ekki ætlunin. Svo missti ég móðinn og nennti ekki að eyða kvöldunum í að leita að svona asnalegum myndum.

 

Hvað er þitt mesta afrek á starfsferlinum?

Tindarnir eru ótrúlega margir, en ég held að ég nái tæpast að slá því við að hafa bæði setið fyrir á þessari mynd og skrifað greinina ásamt fyrirsögninni.

Þetta er úr DV frá árinu 1999 þegar ég sá um vikulegt aukablað um tölvur og tækni og vísindi.

 

Hvaða stýrikerfi notar þú á tölvunni þinni?

Ég er með PC og Windows – hef ekki ennþá gleypt við þessari makkabylgju og held að úr þessu sé bara best að halda mig hérna megin þar til það verður kúl og allir hipsterarnir mæta í Windows aftur til að flýja hjörðina.

 

Hvernig síma ertu með í dag?

LG G3. Það er fínasti sími, sá besti sem ég hef átt hingað til. Þar á undan var ég með Samsung Galaxy Mega, sem var fáránlega stór en frábært partítrikk að draga hann upp úr vasanum og sýna. Þegar ég skipti í G3 fannst mér hann lítill og nettur í samanburði við Mega-skrímslið.

 

Hverjir eru helstu kostir og gallar við símann?

Góð myndavél, stór og fínn skjár, fín vinnsla, merkilega sterkur, er búinn að þola nokkur föll og einn sundsprett í á.

Aðalgallinn er að sjálfsögðu að hann er orðinn meira en árs gamall! Svo er bloatware-ið frá LG ekkert frábært heldur…

 

Í hvað notar þú símann mest?

1. Twitter  (komasvo krakkar, hjálpið mér að bæta botta/fólk hlutfallið mitt!)
2. Facebook  (Maður verður að rækta frændskapinn, er það ekki?)
3. Strava  (Hjólið, maður – átti KOM yfir Hellisheiðina í rúmt ár!)
4. Spotify  (Tónlist. Nauðsynlegt fyrirbæri)
5. Tölvupóstur  (Ekki dauður enn…)

Hvernig var fyrsti síminn sem þú fékkst þér?

Nokia 5110 – alger klassík. Var helvíti sprækur í Snake og svona. Byrjaði í áskrift hjá upprunalega TAL, sem breyttist svo í Vodafone. #gamanaðþví

 

Eitthvað sem þú vilt segja að lokum?

Hmmm…. Já, ég kannski bara nýti það til að passa on smá protip sem ég fékk frá frá @gudnylt í dag – tékkiði á þessu fáránlega kúl mashup-i af Wu Tang Clan og Fugazi:

 

Samkvæmt venju þá er komið að vikulegu viðtali hér á Lappari.com í viðtalsseríu sem kallast einfaldlega Föstudagsviðtalið en þetta er viðtal númer 102 í röðinni. Hugmyndin er að taka viðtal við “venjulegt fólk”, harða nörda sem og einstaklinga sem eru áberandi í tölvu og tækniheiminum, leyfa þeim að segja aðeins frá sér og hvað þeir eru að bralla. Tilgangurinn er fyrst og fremst sá að hafa þetta létt, skemmtilegt og vonandi áhugavert fyrir lesendur..

 

Hver ert þú og hvaðan ertu?

Sonja Jónsdóttir, kölluð Son og er ein af venjulega fólkinu, sem vísað er til hér að ofan. Verri helmingur, mamma og Valsari úr úthverfi. Kaldhæðin og seinheppin með mögulega of svartan húmor, sem á það til að flækjast fyrir og já koma mér stundum í pínu vandræði.

Ég á mér áhugamál sem tóna illa saman eins og íþróttir og tísku, krúttast með fjölskyldunni minni og drekka bjór með félögunum, outdoorast og hanga uppí sófa yfir Netflix, stunda lyftingar og skókaup, hlusta á tónlist og dj-ast í íþróttapartýum (af því þar er andstæðan við að hlusta á tónlist), pæla í fuglum og mannlegri hegðun.

Twittervinur sagði: „lítil, en samt stór“. Skal ekki segja. Er aðallega í því að vera ekki töff.

 

Við hvað starfar þú og hvað hefur þú verið að bralla síðustu árin?

Ég er svo heppin að vinna á frábærum vinnustað með sjúklega skemmtilegu og góðu fólki, hvar ég á marga góða vini. Að eigin mati erum við dugleg að vera sniðug saman.

Ég á 5 ára gamla dóttur, sem kemur til með að stýra þessu landi þegar hún hefur ýtt öllum hindrunum úr vegi, og er maður aðallega búinn að vera að hjálpa henni að undirbúa það og bralla með henni og betri helmingnum síðustu árin. Við erum búin að lesa okkur gegnum öll bókasöfn borgarinnar, hlaupa öll Latabæjarhlaup síðustu ára, hjóla marga hringi kringum landið í óeiginlegri merkingu, auk þess sem rólur höfuðborgarsvæðisins eru allar fullreyndar. Og já horfa sjöþúsundogfimmhundruð sinnum á Frozen.

Ég er fyrrverandi handboltastelpa og stússast svolítið í tengslum við það líka.

 

Hvert er draumastarfið?

Þar sem mér myndi leyfast að mæta til vinnu undir hádegi. Er alger morgunhaugur.

 

Hvernig er venjulegur dagur hjá þér?

Sama hvað ég reyni þá byrjar dagurinn alltaf á hálftíma snoozi. Skila svo litla ráðherranum á leikskólann. Vinna. Æfing. Twitter. Netflix. Twitter. Snooza…
Ég fer alltof seint að sofa. Orsakasamhengið milli þess og snoozins er samt algerlega ósannað. Í alvöru sko.

Það er auðvitað bilun hvað maður á að vera upptekinn í dag, og koma í verk til að geta talist samfélagsfær og smellt í almennilegan Facebook status. Ég reyni að falla ekki í þennan pytt og eyða tímanum í fólkið mitt og sjálfa mig eins og hægt er. Auk þess að spara Facebook. Það er mjög mikilvægt.

 

Hvað er um að vera hjá þér þessa dagana?

Er aðallega að leika mér bara með fjölskyldunni, í vinnunni, með vinum og Völsurum. Þessi mengi skarast öll.

 

Hvernig nýtast tölvur/Tækni í þínu starfi?

Ég sit við tölvu allan daginn og öll mín vinna fer fram þar. Ég þarf mikið að skoða, fylgjast með og kynna mér við mína vinnu. Bensínvélar og örgjörvar, snúrur og algóriðmar. Nýti mér þetta allt saman. Ekkert forritunarlingó hér krakkar.

 

Lífsmottó?

Æ ég er nú ekki mikið í þessari deild. Held að mottó sé konsept sem sé dæmt til að misfarast. Mér finnst þó alltaf góð ábendingin um að ef þú þarft að útskýra að þú hafir verið að segja eitthvað í hæðni þá hafi brandarinn mistekist.

Mér gengur hins vegar ekkert sérstaklega vel með þetta.

 

Sturluð staðreynd um þig sem fáir/enginn veit?

Ég veit allt um íslenska fugla. Þetta er nokkuð sem kemur sér vel ca. einu sinni á ári þegar fuglaspurningin kemur í GettuBetur, og takið eftir að hún er nánast alltaf úrslitaspurning.

Ég á Íslandsmeistaratitla og landsleiki í handbolta. Líklega enginn sem les þetta veit af því.

 

Hvað mundir þú gera við 500 milljóna Lottóvinning?

Kaupa efstu hæðina á Höfðatorgi, og framkvæma lokaatriðið í Fight Club.

 

Top 5 tónlistarmenn sem kenna sig við þinn heimabæ?

Ég hlusta mjög mikið á tónlist og við hjónaleysin erum dugleg að fara á tónleika hérlendis og erlendis. Næst á dagskrá eru útgáfutónleikar Agent Fresco. Ég held að þeir séu úr Reykjavík…

 

Hver er besti tónlistarmaður landsins?

Pabbi.

 

Hvaða stýrikerfi notar þú á tölvunni þinni?

Windows 7 í vinnunni og Windows 10 heima.

 

Hvernig síma ertu með í dag?

Iphone 6

 

Hverjir eru helstu kostir og gallar við símann?

Góður Twitter client. Batteríð mætti þó standa sig betur þegar mikið er í gangi á Twitter.

 

Í hvað notar þú símann mest?

1. Tölvupóst og Calendar
2. Myndavél
3. Netráp
4. Twitter
5. Messenger

 

Hvernig var fyrsti síminn sem þú fékkst þér?

Hann var svona hvítur og blár með rauðu símtóli, augum sem gátu blikkað og fjórum hjólum og bandi þannig að ég gat dregið hann á eftir mér. Er enn í dag með síma sem blikkar mig stöðugt og eltir mig hvert sem er.

 

Hvernig er draumasími framtíðarinnar?

Iphone með batteríi sem tekur nokkrar sek að hlaða til fulls.

 

Hvaða tæknisíðum ef einhverjum fylgist þú reglulega með?

Nú auðvitað lappari.com! Svo reyni ég að fylgjast með því sem Apple er að gera, og skammast mín pínu fyrir það. Ætlaði aldrei að ganga í þann költ.

 

Eitthvað sem þú vilt segja að lokum?

Já. Með vísun í föstudagsviðtalið við Séntilmennið vil ég taka fram að denim on denim er víst leyfilegt.