Það hefur verið áhugavert að fylgjast með umræðunni eftir að internet þjónustur tilkynntu að 10 Gbit/s stæðu fljótlega heimanotenda til boða. Vitanlega varð mikill spenningur og greinilega margir eins og ég sem hafa áhuga á þessari stækkun.
Hvað þýðir þetta fyrir venjulegt heimili?
Flest allir sem eru með ljósleiðara í dag eru með 1 Gbit/s samband og ætti þetta því að þýða allt að 10x á hraðara internet…
Hafa ber í huga að internetveitur rukka slatta aukalega fyrir þessa stækkun og síðan gleyma margir að það vantar líklega töluvert af búnaði á heimilið sjálft.
Fyrir ykkur, ákvað ég því að fórna mér í þetta verkefni…
Ég hef verið að prófa 10 Gbit/s samband frá Tengir Akureyri síðasta árið og hefur reynslan þessari tenginu verið frábær. Hún hefur þó haft þau hliðaráhrif að ég er endalaust að færa til flöskuhálsa á heimilinu til að fá 10 gíg alla leið þangað sem “þau vantar”.
Hvernig ætla ég að taka á móti 10G sambandi?
Ég hefði getað smíðað mér router sjálfur með tölvu keyrandi t.d. á OpenSense og vera síðan með 2x 10Gb netkort í henni til að tengja ljósleiðarann í og síðan út aftur inn á netið heima.
Þetta væri líklega temmilega ódýr lausn, ef ég ætti auka tölvu og 2x 10G netkort. 🙂
Ég ákvað því að halda mig við núverandi router sem er UniFi DreamMachine Pro SE sem er með 2x 10G SFP+ port.
Síðan tengdi ég ljósið beint í annað SFP+ portið og þar með var ég kominn með 10 Gbit/s í routerinn og málið dautt…… eða hvað
Ég hefði vitanlega getað stoppað hér, kominn með 10 Gbit/s samband inn á router og í raun gætu þá 10 notendur verið með fullt Gbps samband út á internetið. En ég vildi klára vinnuna innanhús svo ég væri klár í að taka á móti öllum þessum gígabitum inn á helstu tæki og tölvur.
Hvað með annan netbúnað?
Ég átti fyrir 24 porta Pro sviss frá UniFi sem er með 2x SFP+ portum, annað portið mundi tengjast sem uplinkur frá router og síðan gæti ég tengt eitt tæki við hitt portið til að fá loksins að njóta 10 Gbit/s hraða…. en það er ekki nóg að fá bara 10 gíg í eitt tæki. Ég vildi tengja netþjón, NAS (gagnageymsluna), myndavélþjón, vinnustöðina mín og svo miklu meira víð 10 gígin víst þau voru komið í hús.
Til að fá fleiri 10 Gbit/s port þá “varð” ég því að kaupa mér 10 Gbit/s sviss og fyrir valinu varð 8 porta SFP+ sviss frá UniFi og hann kom á milli routers og 24 porta UniFi Pro sviss… Tvö af þessum 8 portum voru nýtt í uplink í router og annað inn á 24 porta svissinn… sem gaf mér 6x laus 10 Gbit/s port sem er ágætis byrjun… ekki satt.
Hvernig ætla tækin (clientar) að taka á móti 10 Gbit/s?
Þá átti ég bara eftir að kaupa mér SFP+ netkort í netþjón, vinnustöðina, NASinn o.s.frv….
Þess fyrir utan þurfti ég að kaupa SFP+ modula, ljósleiðarasnúrur og/eða DAC kapla til að tengja búnaðinn saman.
En ok… nokkrum þúsundköllum síðar þá var ég kominn með SFP+ netkort í öll helstu tæki, ljósleiðra snúrur á milli þeirra og núna verður allt frábært…
Geta tækin mín nýtt sér 10 Gbit/s?
Lífið var yndislegt þar til ég rakst á næsta flöskuháls sem var les- og skrifhraði á harðdiskum.
Ég er með hraða SSD diska í flestum vélum heima en diskurinn í aðal netþjóninum mínum var hefðbundinn harðdiskur og algengur les- og skrifhraði á þeim er 80 til 160 Mbps…. frábært.
Ég eyddi tíma í að clone´a þjóninn yfir á nýjan SSD en samt voru diskarnir í vélunum heima flöskuháls í hraðaprófunum (gert með Iperf). Ég eyddi því enn meiri tíma í netþjóninn og vinnustöðina mína, staujaði þær og setti síðan stýrikerfið á tveimur SSD diskum í RAID0 (Stripe).
Í mjög stuttu máli þá náði ég loksins rúmlega 7 Gbps innanhús á milli þessara tveggja véla sem er mögulega of mikið vesen og kostnaður til að vera nálægt því að fullnýta 10 Gbit/s tenginguna mína innanhús en hey… svona er þetta bara
Til viðbótar við þetta allt saman þá er flest allt orðið þráðlaust í dag og uplinkur á þráðlausum punktum er yfirleitt bara 1Gb (einstaka Enterprise punktar með 2.5G). Þetta mun þó líklega lagast seinna á þessu ári þegar WiFi 7 tæki koma á markað.
Ég þyrfti svo líka að uppfæra 3 ára gamlar CAT5e netlagnir í CAT6a lagnir til að bera þennan hraða…
Hvað svo?
Þetta hér að ofan hljómar mögulega eins og sorgarsaga en staðreyndin er líklega sú að fæstir þurfa 10 Gbit/s heim til sín í dag en tækniframfarir valda því að við erum með þessu miklu betur í stakk búin að nýta tæknina þegar hún kemur.
Þau heimili sem vilja taka stökkið þurfa að huga vel að flöskuhálsum innanhús. Líklega nýtist 10 Gbit/s að einhverju leiti betur þegar WiFi 7 verður komið (í þráðlausa punkta og tæki) og búnaður almennt orðinn hraðvirkari.
Þrátt fyrir að upplifun á netvafri í þessum prófunum mínum sé nær sú sama og áður (enda sami svartími og áður) og að Netflix/Youtube og aðrar streymisveitur virki alveg eins (þarf bara ca 30 Mbps max fyrir 4K streymi) sé ég ekkert eftir þessu bralli mínu… ég finn stóran mun á niðurhali á stórum skrám, sem er reyndar háð því að sendandinn sé ekki “bara” með 1 Gbps 🙂
Ég mundi bara óska þess að íslenskar veitur eins og RÚV, Sjónvarp Símans og Stöð 2 geti nú loksins bætt gæði á útsendingum.
Skoðum þessa færslu aftur eftir 4-5 ár en ég gef mér að við séum farin að geta nýtt okkur hraðan betur þá.
