Sala á Apple iPad Pro hefst í dag og ákvað ég því að renna yfir tæknibloggin sem ég fylgist reglulega með til að skoða viðbrögðin og hvort vélin freisti mín eitthvað. Í mjög stuttu máli þá er augljóst að vélin fær misjafnar móttökur, allt frá því að vera “Fyrsta spjaldið sem skiptir máli” yfir í “Thin, Light, Pointless“.
Eftir lesturinn situr eftir spurningin: Fyrir hvern er þessi vél?
Ég skaut niður á lista, hluti sem ég hef vanist í þeim spjaldtölvum sem ég nota að staðaldri til að móta mér skoðun á því sem ég þarf, hvað er gott að hafa og hvað er óþarfi fyrir mig. Ég rakst á sambærilegan samanburð á Twitter sem ég vann útfrá en vitanlega þarf ég ekki allt sem er skráð og sannarlega þessi listi breytilegur milli notenda.
Útgangspunkturinn er samt, er iPad Pro sé mögulega vél sem hentar mínum þörfum betur en Surface Pro 4 sem Microsoft kynnti fyrir skemmstu en þá vél hef ég verið að skoða með kaup í huga.
| iPad Pro | Surface Pro 4 | ||
| Venjulegt stýrikerfi með aðgegni að skráarkerfi | Nei | Já | |
| Stuðningur fyrir marga notendur | Nei | Já | |
| Sama upplifun og á tölvu | Nei | Já | |
| Keyrir forrit í glugga | Nei | Já | |
| Keyrir mörg forrit samtíma (multitasking) | 2 | Já | |
| Leysir af borðtölvuna | Nei | Já | |
| Leysir af Fartölvuna | Nei | Já | |
| Leysir af Spjaldtölvuna | Já | Já | |
| Hraðari örgjörvi | Nei | Já | |
| Innbyggður borðstandur | Nei | Já | |
| Breytanlegur borðstandur | Nei | Já | |
| Hægt að vinna með í fanginu | Nei | Já | |
| USB port | Nei | Já | |
| Stuðningur fyrir doccu | Nei | Já | |
| Stuðningur fyrir Mmús | Nei | Já | |
| Snertipenni fylgir með | Nei ($99) | Já | |
| Rafhlöðuending penna | 12 klst | 1 ár | |
| Útskiptanlegir pennaendar | Nei | 5 | |
| Lyklaborð | $169 | $123 | |
| Snertimús | Nei | Já | |
| Pixlar á tommu (ppi) | 264 | 267 | |
| Stæðsti mögulegi harðdiskur | 128 GB | 1 TB | |
| microSD lesari | Nei | Já | |
| Mesta mögulega vinnsluminnið | 4 GB | 16 GB | |
| Mini Display Port tengi | Nei | Já | |
| Andlitsauðkenning til aflæsingar | Nei | Já | |
| Myndavél/Sjálfumyndavél | 8/1.2 MP | 8/5 MP | |
| Þarft borð- eða fartölvu til að gera allt | Já | Nei | |
| Lægsta verð með lyklaborð og penna | $1067 | $1029 | |
| Geymslupláss í þeirri vél | 32 GB | 128 GB |
Ætlar þú að fá þér iPad Pro og ef svo er, hvað notarðu hana í og hvaða tæki leysir hún af hólmi?
