Tag:

tölfræði

Windows 10 – tölfræði og framtíðin

by Jón Ólafsson 11/02/2016

Það hefur verið áhugavert að fylgjast með Windows 10 síðan það var fyrst kynnt og hversu vel flestir viðast taka í þetta nýjasta stýrikerfi Microsoft. Það eru rúmlega 6 mánuðir síðan Windows 10 kom opinberlega á markað og er stýrikerfið nú með um 12% markaðshlut samkvæmt StatCounter.

Í byrjun Janúar gaf tæknirisinn það út að þá væru rúmlega 200 milljónir virkra notenda að nota Windows 10…. það er 200 milljónir notenda á rétt rúmlega 5 mánuðum. Microsoft hefur reyndar sagt að innan nokkura ára reikni þeir með að Windows 10 verði komið á rúmlega milljarð tækja og verður gaman að fylgjast með hvort þau markmið náist.

Við hér á Lappari.com ákváðum að rýna aðeins tölur frá StatCounter og þá síðustu sex mánuði af síðasta ári en það eru eins og fyrr segir fyrstu sex mánuðir Windows 10.

Fyrst er það samanburður Windows 10 vs OS X frá Apple.

Win10_1

Áhugavert að það tók Windows 10 aðeins þrjá mánuði að taka fram úr OS X, þetta er sem sagt samanburður á Windows 10 á móti öllum útgáfum af OS X.

Allar tölur hjá StatCounter benda enn til yfirburðarstöðu Windows yfir OS X og önnur stýrikerfi þegar kemur að öllu nema Mobile. Sagan er ekki sú sama þar því Android er með um 66% og iOS með um 19% í lok árs.

Hér má sjá samanburð á Windows og OS X en þarna eru allar útgáfur kerfana lagðar saman.

Win10_2

Hvað er svona sniðugt við Windows 10 og afhverju skiptir þessi tölfræði máli?

Það er mikið og margt en One Core er það fyrsta sem kemur í hugann, það er einn stýrikerfiskjarni sem er sameiginlegur er á borðtölvum, spjaldtölvum, fartölvum, Xbox leikjatölvum, símtækjum, IOT o.s.frv. sem sagt öll tæki sem keyra Windows 10 erum með sama grunnkjarnanum en hvaða máli skiptir það?

Mörg fyrirtæki og forritarar segja að það taki því ekki að gera forrit fyrir Windows símtæki þar sem markaðurinn fyrir þau er svo lítill og það er svo sem vel skiljanlegt. Með OneCore og einum og sameiginlegum forritamarkaði sem Microsoft hefur verið að vinna í þá er nú hægt að gera eitt Universal forrit sem verður þá aðgengilegt fyrir öll Windows 10 tæki, hvort sem það eru gamlar skrifstofuvélar á vinnustaðnum, heimatölvur, spjaldtölvur eða símtæki.

Þó svo að Windows 10 sé “bara” með um 12% markaðshlut eftir 6 mánuði þá vitum við að sá hlutur mun bara aukast þegar einstaklingar og fyrirtæki endurnýja tölvurnar sínar. Sérstaklega má reikna með góðum kipp þegar líftími Windows 7 rennur út.

Er fyrirtækið þitt byrjað að vinna í Windows 10 forriti?

11/02/2016 0 comment

Tölfræði – Hvernig tölvur eru notaðar í HÍ?

by Jón Ólafsson 07/10/2015

written by Jón Ólafsson

Við tókum saman tölfræði fyrir skemmstu yfir tölvubúnað sem notaður er í Háskólanum á Akureyri. Þar er annarsvegar mældar heimsóknir á heimasíðu háskólans og síðan hvernig stýrikerfi tengjast þráðlausa neti skólans en það er einfalt að færa rök fyrir því að sú umferð sé nær eingögnu frá nemendum þar sem kennarar eru snúrutengdir.

Við höfum nú fengið tölfræði frá Háskóla Íslands en að þessu sinni fengum við hlutföll stýrikerfa sem nota Ugluna.

Innri vefur HÍ heitir Ugla en hún er samansafn af vinnutækjum fyrir nemendur og starfsmenn. Notendur þurfa að skrá sig inn með notandanafni og lykilorði. Aðgangur að kerfum Uglu er mismunandi og miðast við þarfir og hlutverk hvers notanda…….. Innan Uglu er að finna upplýsinga- , samskipta- og skráningarkerfi sem snúa að námi og starfi innan Háskólans.

Tekið úr nýnemabækling HÍ

Umferð á Ugluna ætti sem sagt að gefa okkur greinargóðar upplýsingar um hvernig tölvur notendur innan Háskólans eru að nota, hvort sem það eru nemendur eða starfsmenn. Samtölur ná yfir allan september mánuð og telur aðeins eina heimsókn per tæki á dag (Unique visitors – daily sum), þeir sem nota Ugluna oft á dag ættu sem sagt að vera taldir einu sinni á dag sem er gott.

Fyrst eru það bara far- og borðtölvu stýrikerfi.

Svipað og í Háskólanum á Akureyri þá er mikill meirihluti notenda með Windows stýrikerfi og nokkuð eftirtektarvert hversu margir eru í raun að nota Linux.

Næst er það skipting milli farsímastýrikerfa en ég minni á að Windows símtæki mælast oft sem annað hvort Android eða iOS.

iOS er málið hjá nemendum og kennurum í HÍ eins og sjá má

Næst er allt lagt saman í flokk sem ég kalla Desktop og Mobile, vitanlega fer Android undir Linux í þessari flokkun

Þrátt fyrir að Windows sé ekki mælanlegt í Mobile flokknum þá eru samt rúmlega 55% tækja samtals sem tengjast Uglunni með Windows stýrikerfi.

Aðferðafræði

Þar sem ég vildi skipta hlutfallstölum sem ég fékk sent frá HÍ eftir Mobile og Desktop þá margfaldaði ég hlutföllin með 100. Síðan skiptir ég stýrikerfum í flokka, fékk þannig nýjar samtölur innan Mobile og síðan Desktop sem ég skipti aftur niður í hlutföll.

Hér má sjá hvernig ég prófaði þessa aðferðarfærðum með handahófskenndum gildum

sannad

07/10/2015 0 comment

Apple Microsoft

Tölfræði – Hvernig tölvur nota háskólanemar á Akureyri?

by Jón Ólafsson 02/10/2015

written by Jón Ólafsson

Eitt af því sem ég elska við að lifa og hrærast í þessum tækniheimi er þörf okkar til að rökræða um hvað sé besti síminn, besta stýrikerfið eða besta fartölvan. Ég er svo sem engin undantekning á þessu en segi þó í fullri alvöru að þetta ristir nú ekki djúpt hjá mér því ég elska almennt alla tækni og fæ mikið útúr því að prófa nýja hluti. Hver svo sem ástæðan er hjá okkur mannfólkinu, hvort sem það er stríði eða þörf til að sannfæra sjálfan sig eða aðra um ágæti tækisins þá er gaman að taka þátt í þessu og sérstaklega ef maður nær að æsa einhvern upp.

Í gær var einmitt póstað á Facebooksíðu mína mynd af forsíðu Fréttablaðsins, vitanlega var þetta allt í léttu gríni en inntakið var Háskólamenn = Gáfað fólk sem velur Apple 🙂

Þetta fékk mig samt til að hugsa um hlutfall Apple vs Windows í háskólaumhverfi og hvernig þetta er í raun og veru

Er hlutfall Apple vs Windows notenda mögulega annað í háskólaumhverfi en annarsstaðar og hefur það virkilega breyst svona mikið síðan ég var í Háskóla?

Hér má sjá samskonar könnun í HÍ

Ég er að bíða eftir gögnum frá öllum háskólastofnunum en Háskólinn á Akureyri tók vel í beiðni mína og svörðu strax en hér er tölfræði frá þeim.

Apple vs Windows notendur á þráðlausu neti

Eins og sjá má þá er nokkuð afgerandi Windows slagsíða hjá þeim sem nota þráðlausanetið í Háskólanum á Akureyri.

Hér má sjá hvernig hlutföllin eru hjá þeim sem heimsækja heimasíðu háskólans sem er www.unak.is

Apple vs Windows – Hlutfall stýrikerfa á heimasíðu Háskólans á Akureyri www.unak.is

Þar er munurinn enn meiri og jafnvel enn meiri en ég hef séð t.d. hér á Lappari.com

Að beiðni UNAK birtum við bara hlutföll, ekki fjölda heimsókna
Ég var bara að leitast eftir Windows vs Apple samanburði og því síaði ég frá allt annað

02/10/2015 0 comment

Ýmislegt

Vinsælustu færslur síðustu 90 dagana

by Jón Ólafsson 27/04/2015

written by Jón Ólafsson

Það er alltaf gaman að skoða tölfræðina á bakvið Lappari.com og skoða hvað knýr vefinn okkar áfram og fær ykkur til að heimsækja vefinn okkar jafnmikið og þið gerið.

Hér er listi yfir færslur sem hafa verið mest lestnar (unique) síðustu 90 daga en þessi sía skoðar bara heildarsmelli á hverja færslu fyrir sig, óháð aldrei hennar.

27/04/2015 0 comment

Android Apple Ritstjóri Windows 7 Windows 8 Windows Mobile Windows RT Windows Server Windows XP

Tölfræði fyrir Desember 2013

by Jón Ólafsson 09/01/2014

written by Jón Ólafsson

Þar sem að ég er nettur tölfræðinörd þá ákvað ég að kafa aðeins í heimsóknartölur fyrir Desember mánuð og birta hér nokkrar áhugaverðar staðreyndir.

Fyrst er hér skipting milli miðla sem notendur Lappari.com nota til að nálgast efnið en sjá má að langflestir nota tölvuna sína til að lesa efnið sem hér er.

midill

Þar sem borð- og fartölvur eru mest notaðar þá er hér niðurbrot á hvernig tölvur notendur eru með en um 85% notenda eru með Windows tölvur. Áhugavert hversu margir íslendingar nota Macintosh tölvur en þetta er langt yfir heimsmeðaltali.

Þá er næst skoðað hvaða útgáfu af Windows notendur eru með en hér að neðan er tekið saman Windows 8 og Windows 8.1 en mér þótti samt áhugavert að það eru aðeins fleiri með 8.1 en 8.0.

Það eru aðeins um 4% en að nota Windows XP sem er mun minna en ég hélt en reyndar getur verið að Windows NT sé ennig Windows XP. Ef svo er þá eru um 15% með XP sem er athyglisvert þar sem stuðningur Microsoft við Windows XP lýkur núna í Apríl.

Því næst er hér samantekt um hvaða vafra gestir eru að nota en þar er Chrome langvinsælastur með um 45% allra heimsókna.

vafrar

Merkilegt hversu margir nota Chrome hérlendis en samkvæmt frétt á TheNextWeb þá er IE með tæplega 58% notkun á heimsvísu en aðeins um 22% á Lappari.com

Ég hef séð gagnrýnt í erlendum miðlum hversu margir eru enn að nota IE8 eða eldra en það er ekki svoleiðis hér á Lappari.com. Líklega er það nú vegna þess hversu duglegir lesendur mínir eru að uppfæra tölvurnar sínar því aðeins 2% notenda eru enn með IE8.

Því næst er að kryfja snjalltækin aðeins niður og það er eitt sem ég tók strax eftir en það er að Windows RT vélar virðast ekki vera greindar sérstaklega frá annari IE11 trafík í þeirri tölfræði sem ég kemst í (Jetpack og Analytics). Ég opnaði Lappari.com með Surface 1 og Surface 2 í Desember en þær tölur koma ekki aðgreindar frá öðrum eins og vafrinn í iPad aðgreinir sig.

Hér eru tekin saman:

iOS tæki eða iPhone og iPad
Android símar og spjaldtölvur
Windows Phone er aðgreint
Annað er t.d. Symbian og Blackberry.

Mig langaði að sía snjallsíma sérstaklega frá þar sem ég átti von á að það væru fyrst og fremst Windows Phone notendur sem heimsækja Lappari.com.

Svo var ekki þar sem heimsóknir snjallsíma skiptast eftirfarandi:

iPhone notendur eru 37%
Windows Phone eru 36%
Android er 27%

Vitanlega eru þessar tölur fyrir Desember þegar notendur heimsækja vefi kannski frekar úr heimatölvur frekar en vinnutölvum en það er samt alltaf gaman að velta þessu fyrir sér.

Sturluð staðreynd:

Það var ein (1 stk) heimsókn frá tölvu sem notar Chrome OS í Desember

09/01/2014 0 comment