Þjóðverjanum Daniel Korell brá heldur betur í brún þegar hann ætlaði að skanna QR-kóða á Heinz-tómatsósuflösku sem hann hafði keypt. QR-kóðinn átti að vísa á auglýsingasíðu Heinz þar sem notendur gátu m.a. hannað sína eigin tómatsósuflösku en þess í stað vísaði kóðinn vafranum hans inn á klámsíðu þar sem var hægt að finna nokkur svæsin klámmyndskeið.

Daniel vakti máls á þessu á Facebook-síðu Heinz og smellti inn mynd af því sem kom upp á símanum hans eftir að hann skannaði kóðann. Talsmenn Heinz voru fljótir til svara og báðust afsökunar á þessu en svo virðist sem að lénið sem notað var í þessari herferð hjá Heinz hafi runnið út og óprúttinn aðili náð sér í það og vísað því á tjéða klámsíðu.

Hægt er að sjá færsluna frá Daniel inn á Facebook-síðu Heinz með því að smella hér.

Skrifaðu nú skemmtilegar og jákvæðar athugasemd

athugasemdir