Ég er nú ekki mikið fyrir að auglýsa fyrirtæki hér á Lappari.com en ég fékk ruslpóst sem vakti athygli mína.
Heimkaup.is eru að auglýsa Windows 8 Pro uppfærslu sem hægt er að uppfæra úr Windows XP, Vista og Windows 7 en þetta tilboð gildir aðeins næstu 10 daga.
Uppfærslan kostar á tilboði aðeins 12.900 með ókeypis heimsendingu sem er ódýrt í miðað við það sem ég hafði áður talið. Þetta er sem sagt uppfærsla þannig að notendur þurfa að eiga leyfi fyrir XP, Vista eða Windows 7 til þess að geta uppfært. Þeir sem nota þetta tilboð geta þannig uppfært ókeypis í Windows 8.1 þegar það kemur seinna í Oktober.
Ef þú vilt bíða eftir Windows 8.1 og kaupa það þá verður það ekki uppfærsla heldur fullur pakki (Full Version) eins og ég lista upp hér og það kemur til með að vera dýrara en þessi uppfærsla.
