Stríðið á milli Google og annara tæknifyrirtækja virðist ætla að halda áfram og manni farið að hlakka til að opna Twitter og RSS strauminn á morgnana til að sjá hvað sé í gangi þann daginn. Í síðustu viku voru Google og Apple að taka á og núna virðast Google og Microsoft vera að færa sig upp á nýtt level.

Ég fór því aðeins að spá frekar í stríðinu á milli Google og Microsoft sem opinberlega byrjaði þegar Google gaf ut að þeir muni ekki lengur styðja EAS samskiptastaðla fyrir kúnnana sína. Þeir sem ekki hafa verið nettengdir síðustu mánuði geta lesið um þetta hér. Þessi ákvörðun skiptir mig það miklu máli að ég skráði mig inn í Gmail og setti áframsendingu á Outlook.com netfangið mitt og mun ég ekki snúa aftur fyrr en EAS verður orðið virkt. Reyndar mun ég líklega ekkert snúa aftur þar sem Outlook.com hentar mér mun betur sem Windows notandi. Ég hef heldur ekki mælt með Google Apps fyrir fyrirtæki síðan þetta gerðist. Að setja framsendingu á netfangið og færi gögnin mín af GDrive yfir á SkyDrive tók líklega samtals klukkutíma og er ekkert App sem ég sakna. Það sem Google gerir ókeypis með auglýsingum er líka ókeypis á Outlook/SkyDrive.

EAS stendur fyrir Exchange Active Sync og er gamall og rótgróinn staðall sem er almennt fyrsti og besti kostur hjá fyrirtækjum og Power-Users þegar kemur að synci á pósti, tengiliðum og dagbók svo eitthvað sé nefnt. EAS ýtir pósti og öðrum gögnum í rauntíma frá póstþjóni til notenda og eru samskiptin á milli alltaf tvívega og í rauntíma. Ef notenda til dæmis les póst í síma þá er hann merktur lesinn í Outlook hjá viðkomandi o.s.frv. Einnig er þetta mikið öryggi fyrir fyrirtæki því EAS gerir notendum kleift að formata símtæki beint úr vefpósti ef tækið týnist eða tölvudeildum beint af póstþjóni.

Meira um tölvupóst og EAS hér.

Nóg um það
Í mínum huga var Google alltaf þessu góðu Open-Source gaurar sem gáfu öllum aðgang að ókeypis lausnum og hönnuðu Android og gera það út sem open source. Núna finnst mér þeir vera farnir að rukka fyrir hluti sem voru ókeypis og þeir hafa um leið minnkað þjónustustigið mikið t.d. með lokun á vinsælum þjónustum eins og Google Reader sem er með milljónir notenda.

Google mun nota IMAP (opin staðall) fyrir tölvupóst og síðan að mér virðist tvo semi-opna/custom staðla fyrir dagbók (CalDAV) og Tengiliði (CardDAV) þeir eru allavega búnir að loka fyrir opin aðgang að API nema að viðkomandi sé samþykktur af Google.
Uppfært: Linkur vegna lokun á CalDEV API

Þannig hættir Google að styðja EAS á nýjum ókeypis notendum en styður þegar notendur nota (kaupa) Google Apps. Samhliða þessu gaf Google það út að þeir muni ekki gera Google Apps fyrir Windows Phone eins og þeir gera fyrir Android og iOS. Google lokaði meira að segja fyrir að Windows Phone notendur gætu opnað Gmail með vafra. Google neitaði að hafa lokað þessu en eftir mikil mótmæli virkaði þetta allt í einu eftir, Google hefur samt ekkert tjáð sig um þetta. Einnig er vefviðmótið sem Windows Phone fá í vafra mun lakara en t.d. Android og iOS notendur.

Windows Phone 8 er með frábæran EAS stuðning og þessi ákvörðun Google lokar í raun og veru á að notendur sem vilja nota Google Apps/mail noti Windows Phone. Þetta minnir mikið á sögusagnir af gömlu evil empire sem margir hafa tengt við Microsoft en Google hafa sannarlega tekið við keflinu af Microsoft síðustu árin.

Microsoft eru svo sem ekki alveg saklausir eins og sýndi sig þegar nýjasta Office kom (2013/365) en þar stóð í EULA að það mætti ekki færa leyfið á milli tölvna. Sem segir að ef tölvan bilar þá þarftu að kaupa nýtt Office. Það var mikið mótmælt og Microsoft breytti þessu þannig að þú getur fært Office á milli tölvna sem er hið nýja Microsoft….

 

Það er búið að mótmæla mikið við Google en þeim virðist vera alveg sama.

Svar Microsoft vegna EAS virðist vera að sjást þessa dagana en í nýuppfærðum útgáfum af Mail, People og Calendar þá er ekki gert ráð fyrir CalDAV eða CardDAV. Þetta þýðir að Google notendur sem eru með Windows 8 geta sótt Gmail tölvupóstinn í Windows 8 Mail Appi en ekki sótt tengiliði eða viðburði af Google Calendar. Þetta virðist vera meðvitað lokað hjá Microsoft en ég er með gamallt Gmail sem ég prófaði og Mail bauð ekki uppá EAS þó svo að Google segist styðja það á gömlum notendum, appið fór beint í IMAP sem er nokkuð kalt af Microsoft að gera.

Hér er yfirlýsing frá talsmanni Microsoft vegna þessa

In light of Google’s decision to change its support for EAS, we are now using IMAP for those customers that wish to connect their Gmail accounts. More information on how to synchronize Google services on your Windows or Windows RT device is available here.

Það er erfitt að lesa neitt annað útúr þessu en að þetta er svar Microsoft við ákvörðun Google um að styðja ekki EAS. Þetta hlítur að skipta Google miklu máli þar sem rúmlega 92% tölvunotenda nota Windows stýrikerfi og þar sem að Google býður ekki uppá neitt “sérstakt” þá sé ég ekki að fólk skipti um platform bara til þess að nota Gappz.

 

Verður athyglivert að sjá hvernig hvað Google gerir.

  1. Bíða þetta af sér og vona að notendur kaupi ekki Windows 8 vélar/uppfærslur heldur fái sér ChromeBook. Google er t.d. að selja ChromeBook á $1500 sem þýðir ca 320.000 heimkomið m/vsk
  2. Vona að notendur Gappz færi sig ekki yfir á outlook.com
  3. Endurskoða lokun á EAS (og á móti opni Microsoft fyrir Google í Windows 8)
  4. Gera Google Apps fyrir Windows 8 (og mögulega Windows Phone 8)

 

Skrifaðu nú skemmtilegar og jákvæðar athugasemd

athugasemdir